გუბერნიაში აგრარული პროექტის პრეზენტაცია გაიმართა

პროექტის ფარგლებში, რომლის სახელწოდებაცაა "სასოფლო-სამეურნეო ექსტენციის მხარდაჭერა ", სამცხე-ჯავახეთში ორი დოკუმენტი შემუშადა. პირველი, რეგიონში ეკონომიკისა და ექსტენციის განვითარების პერსპექტივებს ეხება, მეორე კი 258 სოფლის პროფილს მოიცავს.

დღეს , 11 ივლისს სამცხე-ჯავახეთის სამხარეო ადმინისტრაციაში გამართულ შეხვედრაზე გუბერნატორსა და მუნიციპალიტეტების გამგებლებს სწორედ ეს კონცეფციები და სოფლების პროფილები გააცნეს. ასევე განიხილეს ექსტენციის განვითარების პერსპექტივები და რეგიონული სამმართველოს სამომავლო გეგმები .

შეხვედრის მონაწილეებს კონცეფცია საქართველოს სოფლის მეურნეობის სამინისტროს სამცხე-ჯავახეთის რეგიონული სამმართველოს უფროსმა ნანა ზუბაშვილმა წარუდგინა.

პროექტი სამხრეთ კავკასიაში შვეიცარიის თანამშრომლობის ოფისის და გაეროს განვითარების პროგრამის ფინანსური მხარდაჭერით და კავშირ „ სამყაროს“, ასევე სოფლის მეურნეობის სამინისტროს სამცხე-ჯავახეთის რეგიონულ სამმართველოს ერთობლივი თანამშრომლობით ხორციელდება.

[sknews.ge]