გიორგი მარგველაშვილმა ეროვნული უშიშროების საბჭოს საგანგებო სხდომა მოიწვია

სხდომა ავლაბრის რეზიდენციაში ცოტა ხანში, 03.00 საათზე დაიწყება და მას უშიშროების საბჭოს წევრები დაესწრებიან.

განსახილველი მთავარი საკითხი თურქეთში მიმდინარე მოვლენები იქნება. გავრცელებული ინფორმაციით, სხდომის დასრულების შემდეგ გაკეთდება განცხადებები.

თურქეთში სამხედრო გადატრიალებაა. სტამბულსა და ანკარაში მძიმე სამხედრო ტექნიკაა შეყვანილი. თურქეთის გენერალური შტაბი ხელისუფლების ხელში ჩაგდების შესახებ იუწყება. მათივე განცხადებით, თურქეთის ხელისუფლება დაპატიმრებულია. თურქმა სამხდრებმა ქვეყანაში სამხედრო მდგომარეობა და კომენდანტის საათი გამოაცხადეს.

თურქეთის პრეზიდენტმა რეჯეფ თაიფ ერდოღანმა განაცხადა, რომ მთავრობა კვლავ მოქმედია და არ დაუშვებს, ქვეყანაში დემოკრატიას საფრთხე შეექმნას. მან მოქალაქეებს ქუჩაში გასვლისკენ მოუწოდა. მოქალაქეები ქუჩაში გავიდნენ.

[ნინო ნარიმანიშვილი, ახალციხე]