დღეს ახალციხეში უფასო გამოკვლევა - კონსულტაციები ჩატარდება

უფასო გამოკვლევა - კონსულტაცია 11:00 საათზე უნდა დაწყებულიყო, როგორც სტომატოლოგიურ კლინიკაში განგვიმარტეს ექიმები უკვე გზაში არიან და პაციენტების მიღებას დაახლოებით ნახევარ საათში შეძლებენ. პაციენტების რეგისტრაცია უკვე მიმდინარეობს.

გამოკვლევები ჩატარდება შემდეგი მიმართულებებით:

ალერგოლოგია – ბრონქული ასთმა, ალერგიული რინიტი, ალერგიული კონიუქტივიტი, ჭინჭრის ციება, კვინკეს შეშუპება, ატოპიური დერმატიტი და სხვა ალერგიული დაავადებები;
კომპიუტერული სპირომეტრია – – ფილტვებისა და ბრონქების ფუნქციური მდგომარეობის (გარეგანი სუნთქვის) შესწავლა;
ოტორინოლარინგოლოგია;
გასტროენტეროლოგია – კუჭის წყლული, თორმეტგოჯა ნაწლავის წყლული და სხვა გასტროენტერული დაავადებები;
რევმატოლოგია;
თერაპია -კარდიოლოგია;
ენდოკრინოლოგია.

ადგილობრივებისთვის უფასო სამედიცინო გამოკვლევები ახალციხის მერიის ინიციატივით ტარდება. მერიის ინფორმაციით, მათ ვისაც აწუხებს კანის დაავადებები, შუძლიათ ისარგებლონ დერმატოლოგის მომსახურებით. კერძოდ, კანის დაავადებების დიაგნოსტიკა და მკურნალობა, ვირუსული მეჭეჭებისა და პაპილომების მოჭრა ელექტრო კოაგულაციური მეთოდით.

უფასო გამოკვლევა - კონსულტაცია ახალციხის სტომატოლოგიურ კლინიკა შპს „სტომატოლოგია“-ში ჩატარდება. კლინიკა გამრეკელის ქუჩაზე მდებარეობს. საკუთარ რიგს ათობით პაციენტი დილის 08:00 საათიდან ელოდება.



[sknews.ge]