ახალციხის მცხოვრებლებს უფასო სამედიცინო გამოკვლევები უტარდებათ

დღეს, 29 აპრილს, "ჯანმრთელობის სახლის" მხარდაჭერით, თბილისიდან მოწვეული ექიმები, ადგილობრივ მოსახლეობას უფასო გამოკვლევებს უტარებენ. გასინჯვა–კონსულტაციები კლინიკა „იმედში“ 11:00 საათიდან დაიწყო.

აქციის ფარგლებში რეგიონის მცხოვრებლებს შესაძლებლობა აქვთ უსასყიდლოდ მიიღონ შემდეგი პროფილის ექიმების მომსახურება:
✔ ალერგოლოგი - ბრონქული ასთმა, ალერგიული რინიტი, ალერგიული კონიუქტივიტი; ჭინჭრის ციება, კვინკეს შეშუპება; ატოპიური დერმატიტი და სხვა ალერგოზები (მედიცინის აკადემიური დოქტორი, პროფესორი, ამიერკავკასიის ექიმთა ლიგის დამფუძნებელი - ქ.ნ ბარბარე ბეზარაშვილი).

✔ კომპიუტერული სპირომეტრია.

✔ პულმონოლოგი - ფილტვის სხვადასხვა დაავადებები, ხველა (მედიცინის აკადემიური დოქტორი, პროფესორი, ამიერკავკასიის ექიმთა ლიგის რესპირაციული ასოციაციის პრეზიდენტი ბ.ნ კახა ვაჭარაძე.)

✔ დერმატოლოგი - კანის დაავადებების დიაგნოსტიკა და მკურნალობა, ვირუსული მეჭეჭებისა და პაპილომების მოჭრა ელექტროკოაგულაციური მეთოდით (კანისა და ვენსნეულებათა ინსტიტუტის დერმატოლოგ - ვენეროლოგი მედიცინის დოქტორი ქ.ნ ხათუნა ღურჭუმალიძე.)

✔ გასტროენტეროლოგი - კუჭის წყლული, თორმეტგოჯა ნაწლავის წყლული და სხვა გასტროენტეროლოგიური დაავადებები (მედიცინის აკადემიური დოქტორი პროფესორი ამიერკავკასიის ექიმთა ლიგის გასტროენტეროლოგიური და ინფექციური დაავადებების ასოციაციის პრეზიდენტი ბ.ნ ირაკლი ხმალაძე.)

✔ უროლოგი - მედიცინის აკადემიური დოქტორი, პროფესორი გ. ბოჭორიშვილი.

✔ მამოლოგი - მედიცინის აკადემიური დოქტორი, პროფესორი კ. ბარამიძე.

✔ ზოგადი ქირურგია, ბარიატრია - მედიცინის აკადემიური დოქტორი, პროფესორი ნ. გვახარია.

✔ გინეკოლოგი, რეპროდუქტოლოგი - მედიცინის აკადემიური დოქტორი, პროფესორი ს. კვალიაშვილი.

✔ თერაპევტი - პროფეროსი მარინა ჟიჟილაშვილი.

✔ ენდოკრინოლოგი - პროფესორი, მედიცინის აკადემიური დოქტორი ნ. ბიბილაშვილი.

✔ რადიოლოგი - პროფესორი ნინო ცხოვრებაშვილი.

[sknews.ge]