ახალციხის მცხოვრებლებს უფასო სამედიცინო გამოკვლევები ჩაუტარდებათ

გამოკვლევები ჩატარდება შემდეგი მიმართულებებით:

ალერგოლოგია – ბრონქული ასთმა, ალერგიული რინიტი, ალერგიული კონიუქტივიტი, ჭინჭრის ციება, კვინკეს შეშუპება, ატოპიური დერმატიტი და სხვა ალერგიული დაავადებები;
კომპიუტერული სპირომეტრია – ფილტვებისა და ბრონქების ფუნქციური მდგომარეობის (გარეგანი სუნთქვის) შესწავლა;
პულმონოლოგია – ფილტვის სხვადასხვა დაავადებები);
გასტროენტეროლოგია - კუჭის წყლული, თორმეტგოჯა ნაწლავის წყლული და სხვა გასტროენტერული დაავადებები;
რევმატოლოგია;
თერაპია -კარდიოლოგია;
ენდოკრინოლოგია.

კლინიკა „ჯანმრთელობის სახლი“ („ნათია 777“) თამარაშვილის ქუჩაზე მდებარეობს. გამოკვლევები 11:00 საათზე დაიწყება და 17:00 საათამდე გაგრძელდება.

ადგილობრივებისთვის უფასო სამედიცინო გამოკვლევები ახალციხის მერიის ინიციატივით ტარდება. მერიის ინფორმაციით, მათ ვისაც აწუხებს კანის დაავადებები, შუძლიათ ისარგებლონ დერმატოლოგის მომსახურებით. კერძოდ, კანის დაავადებების დიაგნოსტიკა და მკურნალობა, ვირუსული მეჭეჭებისა და პაპილომების მოჭრა ელექტრო კოაგულაციური მეთოდით.

როგორც მერიაში აცხადებენ, გასინჯვის მსურველებს წინასწარი ჩაწერა არ სჭირდებათ: „იქ ვიქნებით მერიის თანამშრომლები, მოვლენ მოქალაქეები, გავატარებთ რეგისტრაციაში და ჩაუტარდებათ საჭირო გამოკვლევები“.

[ვარლამ წიკლაური, ახალციხე]