ახალციხის მცხოვრებლებს უფასო სამედიცინო გამოკვლევები ჩაუტარდათ

დღეს, 9 აპრილს, ამიერკავკასიის ექიმთა ლიგის 10–ამდე ექიმმა ახალციხეში მცხოვრებლებს სხვადასხვა დაავადებებზე უფასო გამოკვლევები ჩაუტარეს. გამოკვლევა -კონსულტაციები კლინიკა "ჯანმრთელობის სახლში" 11:00 საათიდან დაიწყო.

ამიერკავკასიის ექიმთა ლიგის პრეზიდენტის კახა ვაჭარაძის თქმით, საქართველოს სხვადასხვა რეგიონებისგან განსხვავებით ახალციხეში პაციენტებს მძიმე პათოლოგიები არ აღენიშნებათ:“ინტერესი და სურვილი ახალციხელების მხრიდან ძალიან დიდია. ჩვენ პაციენტებს არამარტო ვსინჯავთ, არამედ ვუნიშნავთ დანიშნულებებს და შემდგომ კვლევებს ვგეგმავთ“.

ადგილობრივებისთვის უფასო სამედიცინო გამოკვლევები ახალციხის მერიის ინიციატივით ტარდება.ამიერკავკასიის ექიმთა ლიგის ექიმები სხვდასხვა დაავადებებზე გამოკვლევა -კონსულტაციებს მთელი საქართველოს მასშტაბით სრულიად უფასო ატარებენ. ექიმების თქმით, ახალციხეში ვიზიტს მომავალშიც გეგმავენ.


[ვარლამ წიკლაური, ახალციხე]