მოსახლეობის კითხვებს ამჯერად დასუფთავების სამსახური უპასუხებს

კონფერენცია ერთი საათის განმავლობაში გაგრძელდება. მოქალაქეები მათთვის საინტერესო კითხვებზე პასუხებს ON-LINE რეჟიმში მიიღებენ. ახალციხის მუნიციპალიტეტის facebook-ის გვერდზე კითხვების გაგზავნა მოსახლეობას წინასწარაც შეუძლია.

”კეთილმოწყობის” სამსახური ქალაქში ნარჩენების შეგროვებასა და გატანას უზრუნველყოფს. ასევე, აღნიშნული სამსახურის კომპეტენციაში შედის გარე-განათებების მოვლა-პატრონობაც.

ON-LINE კონფერენცია პროექტს ”გამჭვირვალე თვითმმართველობის” ფარგლებში იმართება, რომელსაც არასამთავრობო ორგანიზაცია ”დემოკრატ მესხთა კავშირი” ახორციელებს. პროექტის მიზანია ადგილობრივი თვითმმართველობის პროცესებში მოქალაქეების ჩართულობის გაზრდა.

ON-LINE კონფერენციები სისტემატურად იმართება. გასულ კვირას მოსახლეობის კითხვებს ახალციხის მუნიციპალიტეტის გამგებლის მოადგილემ ავთანდილ თელიაშვილმა უპასუხა.




[თამარ თოთაძე, ახალციხე]