აბიტურიენტები ზოგადი უნარების გამოცდას აფასებენ

დღეს, 6 ივლისს აბიტურიენტებმა ზოგადი უნარების გამოცდა ჩააბარეს. გამოცდიდან გამოსული აბიტურიენტები „სამხრეთის კარიბჭესთან“ ამბობენ, რომ მთლიანობაში გამოცდა რთული არ იყო, თუმცა, რამდენიმე დავალების შესრულება გაუჭირდათ.

„მათემატიკური ნაწილის ამოხსნა გამიადვილდა“, – ამბობს ლაშა ნათენაძე.

„არ შემქმნია არანაირი პრობლემა, დროც მეყო. ყველაფერი წესების დაცვით ჩატარდა და ველოდები ნორმალურ შეფასებას“ , – გვითხრა აბიტურიენტმა ანაჰიტ არუთუნიანმა.

დღეს, 6 ივლისს, აბიტურიენტები ზოგადი უნარების გამოცდას აბარებდნენ. ახალციხის საგამოცდო ცენტრში პირველ სესიაზე დარეგისტრირებული 269 აბიტურიენტიდან გამოცდაზე 20 არ გამოცხადდა, მეორე სესიაზე კი 315–დან 7.

ახალციხის საგამოცდო ცენტრის ადმინისტრატორის, გელა ინასარიძის განმარტებით გამოცდებმა მშვიდ ვითარებაში ჩაიარა. საგამოცდო პროცესიდან არცერთი აბიტურიენტი არ მოხსნილა.

[თეონა თაბუნიძე, ახალციხე]