გამოცდების გამო ახალციხეში ორი ქუჩა გადაიკეტა [Photo]

ახალციხეში საგამოცდო ცენტრი მეხუთე საჯარო სკოლაში მდებარეობს. საგამოცდო პროცესის უსაფრთხოდ ჩატარების მიზნით, ცენტრის მიმდებარედ, ორ ქუჩაზე მოძრაობა შეჩერებულია.
კერძოდ, შეუძლებელია გადაადგილება რუსთაველის ქუჩიდან ნათენაძისა და კეცხოველის ქუჩების მიმართულებით. (მეხუთე საჯარო სკოლიდან ცენტრალური პარკისაკენ.)



აგრეთვე მოძრაობა აკრძლულია ფარნავაზ მეფის ქუჩიდან ნათენაძის ქუჩის მიმართულებით. (მეხუთე საჯარო სკოლის, მეორე კორპუსის შესასვლელიდან ცენტრალური პარკის მიმართულებით.)



საავტომობილო გზებზე შეფერხება ერთინი ეროვნული გამოცდების განმავლობაში იქნება. ქუჩები დილის 08:00 საათიდან, საღამომდე გადაიკეტება. იმ დღეები კი, როცა აბიტურიენტებს გამოცდა არ ექნებათ, ქუჩებზე ავტომობილით გადაადგილება შესაძლებელი იქნება.
შეგახსენებთ, რომ ერთიანი ეროვნული გამოცდები გუშინ, 1 ივლისს დაიწყო და 22 ივლისამდე გაგრძელდება.



[თაკო ფეიქრიშვილი, ახალციხე]