ზოგადი უნარების გამოცდაზე ჯამში 37 აბიტურიენტი არ გამოცხადდა

ზოგადი უნარების გამოცდა ორი დღის განმავლობაში მიმდინარეობდა. 1.212 აბიტურიენტიდან გამოცდაზე 37 არ გამოცხადდა.

აბიტურიენტები ამბობენ, რომ გამოცდის ჩაბარება არ გაუჭირდათ.

„ყველა საკითხი დავწერე. არ გამჭირვებია, მიუხედავად იმისა, რომ კერძო მასწავლებელთან არ ვემზადებოდი. ვფიქრობ კარგად გავართვი თავი. დაველოდები შედეგებს“, – ამბობს გიორგი სამსონიძე.

ზოგადი უნარების შემდეგ აბიტურიენტები ხვალ, 8 ივლისს ინგლისური ენის გამოცდას ჩააბარებენ.

ახალციხის საგამოცდო ცენტრის ადმინისტრატორის გელა ინასარიძის განმარტებით, ინგლისური ენის გამოცდაზე 18 სექტორი იქნება დაკავებული. ასევე იგეგმება 1 სარეზერვო სექტორის დამატება მხედველობა დაქვეითებული აბიტურიენტებისთვის.

უცხო ენების გამოცდა 9 და 10 ივლისს ერთ სესიად ჩატარდება. 13 ივლისს კი აბიტურიენტები გეოგრაფიის გამოცდას ჩააბარებენ.

[თინათინ ზაზაძე, ახალციხე]