დღეს ერთიანი ეროვნული გამოცდები სრულდება

დღეს გამოცდას პირველ სესიაზე სტუდენტები გრანტის გაუმჯობესებას ეცდებან, ხოლო მეორე სესიაზე, მაგისტრანტები ზოგადი უნარების ბოლო ორ ნაწილს, ლოგიკურ და რაოდენობრივ მსჯელობას ჩააბარებენ.

შეგახსენებთ, გამოცები 3 ივლისს დაიწყო. ერთ–ერთი საგამოცდო ცენტრი ახალციხეში მეხუთე სკოლაში იყო გახსნილი, რის გამოც სკოლის მიმდებარედ, გამოცდები პერიოდში, მოძრაობა შეფერხებული იყო.

გამოცდების ეროვნული ცენტრის ცნობით, ერთიან ეროვნულ გამოცდებზე წელს 41 200-მდე აბიტურიენტი იყო დარეგისტრირებული, თუმცა, ნაწილი გამოაკლდა იმის გამო, რომ გამოსაშვებ გამოცდებზე ერთ-ერთ საგანში მაინც ვერ გადალახეს მინიმალური ბარიერი. საბოლოოდ, გამოცდებში დაახლოებით 39 000-მდე აბიტურიენტი მონაწილეობდა.

2017 წლის ერთიანი ეროვნული გამოცდებისთვის საგამოცდო ცენტრები გახსნილი იყო საქართველოს ყველა ქალაქში, გარდა ოკუპირებული ტერიტორიებისა. მთელი საქართველოს მასშტაბით 22 საგამოცდო ცენტრი იყო, – თბილისში ათი საგამოცდო ცენტრია გახსნილი, ქუთაისში - სამი, ხოლო დანარჩენ ქალაქებში თითო საგამოცდო ცენტრი ფუნქციონირებდა.

[sknews.ge]