ახალციხეში კეცხოველის ქუჩა გადაკეტილია

ახალციხეში ცენტრალური პარკის მიმდებარედ, კეცხოველის ქუჩა მეორე დღეა გადაკეტილია, აქ გზის სარეაბილიტაციო სამუშაოები მიმდინარეობს.

მერიაში ამბობენ, რომ გზაზე ტრანსპორტის მოძრაობა სამუშაოების დასრულების შემდეგ იქნება შესაძლებელი, თუმცა ზუსტად რამდენ დღეში, ეს უცნობია.

მძღოლებს გადაადგილება კეცხოველის ნაცვლად, პაატა ნათენაძის ქუჩით შეუძლიათ.

სარეაბილიტაციო სამუშაოები მიმდინარეობს რუსთაველის ქუჩაზეც, თუმცა აქ მოძრაობა შეზღუდული არ არის.

რუსთაველის ქუჩაზე სამუშაოებს შპს „არალი“ აწარმოებს, ასფალტი 930 მეტრზე უნდა დაიგოს. სამუშაოები ხელშეკრულების თანახმად 2019 წლის 22 ოქტომბერს უნდა დასრულდეს.

გზების რეაბილიტაცია რეგიონებში განსახორციელებელი პროექტების ფონდიდან და ადგილობრივი ბიუჯეტიდან ფინანსდება. სულ 1 554 321 ლარი დაიხარჯება.

[ლუბა გიორგაძე, ახალციხე]