მერის წარმომადგნლების უფლება–მოსილებებში ცვლილება შევიდა

იუსიტიციის სამინისტროს მოთხოვნა, ადგილობრივი თვითმმართველობების რწმუნებულების უფლება–მოსილებების შესახებ, დღეს, 1 ივლისს, ქალაქ ახალციხის საკრებულოს სხდომაზე განიხილეს. დეპუტატებმა კენჭი მუნიციპალიტეტის დადგენილებაში შესატან ცვლილებებს უყარეს და ერთხმად დაამტკიცეს.

სიახლის მიხედვით, მერის ხუთ წარმომადგელეს, რომელთა სამოქმედო ტერიტორია ქალაქის სხვადახვა უბანში მდებარეობს, ახალი ვალდებულებები დაემატათ. მათ კანონით გათვალისწინებულ ვადაში, სახელმწიფო სერვისების განვითარების სააგენტოს ახალციხის სამოქალაქო რეესტრის სამსახურს უნდა აცნობონ თუკი:

წარმომადგენლის სამოქმედო ტერიტორიაზე, სამედიცინო დაწესებულების გარეთ, ახალშობილი დაიბადა.

ასევე, ინფორმაცია, პირის გარდაცვალების შესახებ, შესაბამისი ოქმის შედგენითა და გადაგზავნით.

აღნიშული ცვლილება ადმინისტრაციული ტერიტორიის ერთეულების წარმომადგენლებზე მთელი ქვეყნის მასშტაბით ვრცელდება. სიახლე იუსტიციის მინისტრის ინიციატივით მუნიციპალიტეტმება უნდა მიიღონ.

[თაკო ფეიქრიშვილი, ახალციხე]