მესხურ ტერასებზე ჯაყელების საგვარეულო ტერასა გაშენდა

ასპინძაში მესხურ ტერასებს 30–ზე მეტი ჯაყელი სტუმრობდა. ძირძველი მესხები მესხეთს საქართველოს სხვადასხვა კუთხეებიდან, ასევე თურქეთიდან ეწვინენ. მათ სპეციალურად ჯაყელებისთვის გახსნილ ტერასაზე 120–ზე მტი ხიხვის ჯიშის ვაზი დარგეს.

„ჯაყელებმა თავისი სიტყვა თქვეს უახლესი მესხეთის ისტორიაში. ვფიქრობ, სიმბოლური და აუცილებელია, რომ მესხეთში ჯაყელების გვარის ტერასა არსებობდეს“, – ამბობს „ვარძიის ტერასების“ დირექტორი გიორგი ნათენაძე.

ჯაყელების საგვარეულო ტერასის გახსნას მიესალმება კახაბერ ჯაყელი: „ჯაყელი ათაბაგები და მათი შთამომავლები მესხეთისთვის - ასეთი სლოგანით მოვედით. ყველა ქართულმა გვარმა უნდა გააშენოს თავისი ვაზი თავის კუთხეში“.

შეგახსენებთ, რეაბილიტირებულ ტერასებზე 17 იშვიათი ჯიშის მესხური ვაზია გაშენებული. „ვარძიის ტერასებს“ მთლიანად 23 ჰექტარი უკავია. ჯამური ინვესტიციის მოცულობა ნახევარ მილიონ ლარამდეა.



[sknews.ge]