ინფრასტრუქტურული სამუშაოები ადიგენში

გზის 3.5 კილომეტრიანი მონაკვეთის სარეაბილიტაციო სამუშაოები მიმდინარეობს სოფლებში დიდი ზანავი, პატარა ზანავი, ჭულეს მიმართულებით, გზის მოასფალტებასთან ერთად მონტაჟდება გაბიონები და სანიაღვრე არხები.

პროექტი ორ ეტაპად განხორციელდება და პირველ ეტაპზე სამუშაოების შესრულებას 520 ათასი ლარი მოხმარდება.

გარდა ამისა სოფლების ენთელი- ფხერო- შოყა - ოქროს ციხეს მიმართულებით გზის რეაბილიტაციის პროექტის ფარგლებში ასფალტ-ბეტონის საფარი 3.2 კილომეტრიან მონაკვეთზე იგება, ეწყობა სანიაღვრე ქსელი, წყალგამტარი მილებითა და რკინა-ბეტონის ღარებით.

აღნიშნულ სოფლებში ასფალტის საფარი არასდროს ყოფილა, ათეულობით წლების განმავლობაში აქაურებს გრუნტის გზით სარგებლობა უწევდათ.

რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით წელს მიმდინარე სამუშაოებს 658 ათასი ლარი მოხმარდება.

მიმდინარე სამუშაოები დღეს ადგილზე მოინახულეს ადგილობრივი ხელისუფლების წარმომადგენლებმა.

[sknews.ge]