ადვოკატი მერაბიშვილს: შენი მშობლიური კუთხიდან გამცნობ, სამართალი იზეიმებს [Video]

ვანო მერაბიშვილის დედა და ადვოკატი ოთო კახიძე

ოთო კახიძემ განაცხადა, რომ მისი ინფორმაციით, ამ წუთებში ახალციხეში მიმდინარე მოვლენებს, ვანო მერაბიშვილიც ადევნებს თვალს და მას პირდაპირ ეთერში მიმართა.

„მე მინდა გამცნოთ ერთი ძალიან სასიხარულო ამბავი, მე ვიცი, რომ ვანო მერაბიშვილი ახლა გვიყურებს ჩვენ და ვანო! შენი მშობლიური კუთხიდან, შენი აშენებული რაბათის წინ, შენი მშობლების, ნათესავების, მეგობრებისა და თანამებრძოლების წინ ვდგავარ და გამცნობ, რომ 14 ივნისს, სამშაბათს, დღის 12 საათზე, ადამიანის უფლებათა სასამართო, იგივე სტრასბურგის სასამართლო გამოაცხადებს თავის გადაწყვეტილებას ვანო მერაბიშვილის საქმეზე“, – განაცხადა ვან მერაბიშვილის ადვოკატმა.

მისივე თქმით, ამ დღეს დიდხანს ელოდებოდნენ: „მოგეხსენებათ გამოთქმა, სამართალი ურმით დადისო, ნამდვილად, მე მინდა ვუთხრა ვანო მერაბიშვილის ყველა გულშემატკივარს, რომ სამართალი აუცილებლად იზეიმებს, სიმართლე აუცილებლად დამტკიცდება და ჩვენ აუცილებლად გავიმარჯვებთ“.



ამის შემდეგ, კახიძემ მომავალ არჩევნებსა პარტიის გეგმებზე ისაუბრა. მისი განცხადებით, „ნაციონალური მოძრაობის“ გუნდს, რომელიც არიც გამოცდილებითა და ცოდნით აღჭურვილი, აქვს ხედვა და გეგმა, როგორ გამოიყვანოს ქვეყანა კრიზისიდან.

მისივე განცხადებით, მათი პარტიის დაპირებები განსხვავდება „ქართული ოცნების“ დაპირებებისგან. მის გამოსვლამდე, დავით ბაქრაძის ნათქვამი, რომ 50 ლარით გაიზრდება პენსია, არ არის დაპირება და ლიტონი სიტყვები, რაც ხვალ ან ზეგ შეიძლება არავის ახსოვდეს: „ჩვენი მთავარი უპირატესობა არის ის, რომ თუ ვიტყვით, აუცილებლად გავაკეთებთ, თუ მოვინდომებთ, აუცილებლად შევძლებთ და საქართველოს წავიყვანთ წინ. ჩვენ გვაქვს ამის ცოდნა, გამოცდილება და ხედვა. ჩვენი გამოცდილება, მათ შორის შეცომებთან ერთად არის ჩვენი მთავარი ძალა. ჩვენ ზუსტად ვიცით რა უნდა გავაკეთოთ ამ ქვეყნის განვითარებისთვის და აგერთვე ვიცით, რა არ უნდა გავკეთოთ, რა შეცდომები არ უნდა გავიმეროთ და ჩვენ ამის გამეორების არ გვეშინია“.

ოთო კახიძემ ვაჟა ჩიტაშვილის შესახებაც ისაუბრა. მისი თქმით, როდესაც იუსტიციის სამინისტროში მუშაობდა, ჰქონდა შეხება ვაჟა ჩიტაშვილთან და მისი შეფასებით, ის არის გამორჩეული პროფესიონალიზმით, წესიერებით და სამართლიანობით.

„დარწმუნებული ვარ, რომ ის წაიყვანს ახალციხეს წინ და ჩვენი გუნდი წაიყვანს მთელს საქართველოს წინ“, – განაცხდა კახიძემ.

მან საქართველოს ყველა ქალაქში ჩასვლა დააანონსა და განაცხადა, რომ პარტიის მთავარი გზავნილის მიხედვით, არავითარი შურისძიება არ იქნება: „შურისძიების ჩვენ არც სურვილი გვაქვს და არც დრო“.

შეგახსენებთ, დღეს, 11 ივნისს, სამცხე–ჯავახეთში „ერთიანი ნაციონალური მოძრაობის“ ლიდერები მაჟორიტარობის კანდიდატებს წარადგენენ.


ვანო მერაბიშვილის დედა და დავით ბაქრაძე


[ნინო ნარიმანიშილი, ვარლამ წიკლაური, ახალციხე]