ახალციხეში ნაძვის ხე დადგეს

”ქალაქის მორთვა თითქმის დავასრულეთ. ახლა მიმდინარეობს პარკის ხეების ნათურებით მორთვა და ნაძვის ხის დამონტაჟება”,- ამბობს შპს ”კეთილმოწყობის” თანამშრომელი ივანე დავიდოვი.

ახალციხის თითქმის ყველა ქუჩა განათებებით უკვე მორთულია.

შეგახსენებთ, რომ ქალაქის მორთვაზე ტენდერში გამარჯვებული შპს ”კეთილმოწყობს” ზრუნავს. ქალაქის მოსართავად ადგილობრივი ბიუჯეტიდან 30,800 ლარია გამოყოფილი. გარდა ამისა, 1,700 ლარის ღირებულების საჩუქრები გადაეცემა უმწეოთა სასადილოს 170 ბენეფიციარს. 5,700 ლარი კი სკოლებისა და სკოლამდელი დაწესებულებების მოსწავლეების საჩუქრებისთვის დაიხარჯება.

ქალაქის ცენტრში ნაძვის ხე 15 იანვრამდე დარჩება.

[თინათინ ზაზაძე, ახალციხე]