ახალციხის მთავარი ნაძვის ხის მოსართავად 350 ბურთი და 500 ბაფთა გამოიყენეს

16 მეტრიანი ნაძვის ხე მესხეთის დრამატული თეატრის წინ დგას. მის საზეიმოდ ანთებამდე რამდენიმე დღე დარჩა. ნაძვის ხის სათამაშოების შეძენისთვის და შემდეგ მორთვისთვის ახალციხის მერიამ 11 899 ლარი დახარჯა.

„გამოვიყენეთ 100 ცალი ნაძვის ხის მოსართავი შინდისფერი ბურთი, 180 ცალი ვერცხლისფერი და 70 ცალი კი ოქროსფერი. ასევე დავამაგრეთ 350 ოქროსფერი ბაფთა, 150 კი ვერცხლისფერი“,- გვითხრეს მერიაში.

ქალაქის მთავარ ნაძვის ხეს საზეიმოდ 26 დეკემბერს აანთებენ.

[მარიამ ბარძიმაძე, ახალციხე]