ადიგენში საგანმანათლებლო–სპორტული ცენტრი შენდება

საგანმანათლებლო–სპორტული ცენტრის მშენებლობა 25 მაისს დაიწყო. 200 კვ.მ–ზე შენობის ბალავარი უკვე ამოყვანილია. მშენებლობაზე ადგილობრივი მოსახლეობა მუშაობს.

ცენტრის გახსნის ინიციატორი, მინდია შაინიძე ამბობს, რომ სავარაუდოდ, მშენებლობა თვე–ნახევარში დასრულდება, სექტემბერში კი მოზარდები აქ სწავლას შეძლებენ.

კედლებისა და სახურავისთვის საჭირო თანხა 20 000 ლარის ოდენობით "ქალთა საერთაშორისო ორგანიზაციამ" გამოყო.

"ეს დარბაზი მნიშვნელოვანია ბავშვებისათვის, რადგან აქ საშუალება ექნებათ ჭიდაობის ვარჯიშები ფართო დარბაზში შეასრულონ. ასევე გაძლიერებულად ისწავლონ და იმეცადინონ სხვდასხვა სასკოლო საგნებში, იმისთვის, რომ მომავალში წარმატებებს მიაღწიონ“, – განმარტავს მოჭიდავე მინდია შაინიძე.

უკვე წლებია იგი ადიგენის 5 სოფლის 30–მდე მოზარდს საკუთარ სახლში, ჭიდაობას უსასყიდლოდ ასწავლის. ამბობს, რომ საცხოვრებელ სახლში განთავსებული დარბაზი მოზარდებისათვის არასაკმარისია და ვარჯიშისათვის მათ დიდი ფართი სჭირდებათ. სწორედ ამ მიზნით გაუჩნდა მას სპორტულ–საგანამანათლებლო ცენტრის მშენებლობის იდეა.

[თაკო ფეიქრიშვილი, ადიგენი]