'იმედის გმირი' ადიგენის მცხოვრები მინდია შაინიძე გახდა [Video]

გადაცემაში სულ შესული 38000–მდე ზარიდან მინდია შაინიძემ 12670 ხმა მიიღო. გამარჯვებულს საჩუქრად სამშენებლო კომპანია „დაგისგან“ ფულადი ჯილდო 5000 ლარი გადაეცა.

პროფესიონალი მოჭიდავე მინდია შაინიძე ადიგენის მუნიციპალიტეტის სოფელ ზანავში ცხოვრობს. 2 წელია საკუთარ სახლში გახსნილი აქვს სავარჯიშო დარბაზი და სამი სოფლის 45 ბავშვს თავისუფალი სტილით ჭიდაობაში ავარჯიშებს. იგი თავისი სახსრებით ყიდულობს მოსწავლეებისთვის ფორმებს და დაჰყავს ისინი შეჯიბრებებზე, სადაც არა ერთ წარმატებას მიაღწიეს.

მინდია შაინიძის შესახებ სიუჟეტი ტელეკომპანია „იმედის“ გადაცემა „იმედის გმირების“ ჟურნალისტმა, გოდერძი შარაშიამ მოამზადა.

2014 წელს ტელეკომპანია იმედმა 39 ,,იმედის გმირი“გადაიღო. ამათგან, „იმედის გმირი 2014“–ის ტიტულის მისაღებად 14 ფინალისტი იბრძოდა.

სიუჟეტი მინდია შაინიძის შესახებ



[ნინო ნარიმანიშვილი, ახალციხე]