შეჯიბრი ჭადრაკში

შეჯიბრი ორ ასაკობრივ კატეგორიაში გაიმართა, 18 წლამდე და 18 წელს ზემოთ.

„6 წლიდან ვთამაშობ ჭადრაკს. ასეთი შეჯიბრებები ყოველ 26 მაისს იმართება და წელსაც მივიღე მონაწილეობა“, – ამბობს ლილი ზაზაძე.

ჭადრაკის ტურნირი ახალციხის ციხეში 15:00 საათზე დაიწყო. ტურნირის გამარჯვებულებს საღამოს, სხვა ჩემპიონატების გამარჯვებულებთან ერთად დააჯილდოვებენ.

შეგახსენებთ, რომ დამოუკიდებლობის დღისადმი მიძღვნილი ღონისძიებები ახალციხეში მთელი დღის განმავლობაში გრძელდება. ღონისძებები თამარაშვილის ქუჩაზე სამხედრო ტექნიკის გამოფენით გაიხსნა. გამოფენას ადგილობრივი ხელისუფლების წარმომადგენლებიც ესწრებოდნენ.

13:00 საათიდან ახალციხის ციხის ტერიტორიაზე, ხალხური რეწვის ნიმუშთა გამოფენა, სპორტული აქტივობები და კულტურული საღამო იმართება. საზეიმო ღონსიძიებები 21:30 საათზე, საქართველოს ჰიმნითა და ფოიერვერკით დასრულდება.

[მარიამ ბარძიმაძე, ახალციხე]