გუბერნატორი: 'დღევანდელ დღეს სათანადოდ აღვნიშნავთ'

ახალციხეში, თამარაშვილის ქუჩაზე გამოფენილი სამხედრო ტექნიკა სამცხე–ჯავახეთის გუნერნატორმა აკაკი მაჭუტაძემ, ქალაქის მერმა გიორგი კოპაძემ და შსს სამცხე–ჯავახეთის პოლიციის დეპარტამენტის დირექტორმა თეიმურაზ კალანდაძემ ადგილობრივებთან ერთად დაათვალიერეს.

„ვულოცავ მთელ საქართველოს დღევანდელ დღეს. დღეს იმართება სხვადასხვა ღონისძიებები ქალაქში და დღევანდელი დღე სათანადოდ იქნება აღნიშნული“, – განაცხადა სამცხე–ჯავახეთის გუბერნატორმა აკაკი მაჭუტაძემ.

ადგილობრივებს საქართველოს დამოუკიდებლობის 25–ე წლისთავი მიულოცა ქალაქის მერმა გიორგი კოპაძემ.

"ყველა მოქალაქეს, განსაკუთრებით ახალციხელებს გილოცავთ ამ დღეს. ჩვენი ქალაქი დიდი ზეიმით ხვდება საქართველოს დამოუკიდებლობის 25– ე წელს“, – აღნიშნა გიორგი კოპაძემ.

შეგახსენებთ, დღეს, დილიდან, ახალციხეში არაერთი ღონისძიებაა დაგეგმილი.



[ვარლამ წიკლაური, ახალციხე]