საკრებულომ ჯანდაცვის სამსახურს სალონების კონტროლის გაძლიერება დაავალა

დღეს, 25 მაისს, ახალციხის საკრებულოს დეპუტატებმა ჯანდაცვის სამსახურისგან ანგარიში მოისმინეს. სამსახურის ხელმძღვანელმა ახალციხის ბაღებსა და სკოლებში არრსებული მდგომარეობა მიმოიხილა.

ფატი ხაბულიანის თქმით, საგანმანათლებლო დაწესებულებებში რაიმე ეპიდემიის საფრთხე არ არსებობს.

„ ობიექტებზე მუდმივად ტარდება შემოწმებები პრევნციის მიზნით. ბაღები იდეალური მდგომარეობისგან შორს არის, მაგრამ მდგომარეობა გამოსწორებულია“, – განაცხადა სამსახურის ხელმძღვანელმა.

დეპუტატებმა ფატი ხაბულიანის ანგარიში დამაკმაყოფილებლად მიიჩნიეს. თუმცა აღნიშნეს, რომ საზოგადოებრივი ჯანმრთელობის დაცვის ცენტრი, მეტად უნდა დაინტერესდეს ქალაქის სილამაზის სალონებში არსებული მდგომარეობით და კონტროლი გაუწიოს.

[ლუბა გიორგაძე, ახალციხე]