სამცხე–ჯავახეთს ევროინტეგრაციის მინისტრი სტუმრობს

შეხვედრა სამცხე–ჯავახეთის სახელმწიფო უნივერსიტეტის მეორე კორპუსში მიმდინარეობს. ლექციის დაწყებამდე მინისტრმა უნივერსიტეტის პირველი კორპუსის ეზოში მდებარე გრიგოლ ხანძთელისა და ივანე ჯავახიშვილის ბიუსტები ყვავილებით შეამკო, შემდეგ კი სამცხე–ჯავავახეთის სახელმწიფო უნივერსიტეტთან მემორანდუმი გააფორმა.

მემორანდუმის თანახმად, სამინისტრო უზრუნველყოფს რეგიონში სხვადასხვა მომხსენებლების ჩამოსვლას ევროინტეგრაციის თემაზე.

„რათა სტუდენტებს მივაწოდოთ პირველი ხელიდან ინფორმაცია იმ განვითარებების შესახებ, რაც უკავშირება ქვეყნის ევროპულ არჩევანს. ასევე, ჩვენ შესაძლებლობას მივცემთ გამორჩეულ სტუდენტებს, რომ გარკევული პერიოდით პრაქტიკა, სტაჟირება გაიარონ სამინისტროში“, – განაცხადა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ.



მისივე განცხადებით, საუბარი რეგიონებში ქვეყნის ევროპული და ევროატლანტიკური ინტეგრაციის შესახებ განსაკუთრებით მნიშვნელოვანია: „მოხარული ვარ, რომ დღეს ახალციხეში ვართ და მოგვეცა საშუალება გვქონდეს საუბარი, რა კონკრეტული სარგებელი მოაქვს საქართველოს თითოეული მოქალაქისთვის ევროპულ კურსს, არჩეულ საგარეო პილიტიკურ პრიორიტეტს“.



სამცხე–ჯავახეთის სახელმწიფო უნივერსიტეტის რექტორის მერაბ ბერიძის განმარტებით, მსგავსი სახის ურთიერთობა სამინსიტროსა და უნივერსიტეტს შორის ძალიან მნიშვნელოვანია.

„მიუხედავად იმისა, რომ ჩვენ გვაქვს ნატოს კუთხე, ჩვენ ვხვდებით ნატოს წარმომადგენლებს და ატარებენ ლექციებს, ევროინტეგრაციის სამინისტროსთან ურთიერთობა სგანსაკუთრებით წაადგება ჩვენს უნივერსიტეტს“, – განაცხადა მერაბ ბერიძემ.



უნივერისტეტის საკონფერენციო დარბაზში შეხვედრა ერთი საათის განმავლობაში გაგრძელდება, შემდეგ კი მინისტრი ახალციხისა და ტაო–კლარჯეთის ეპარქიას ესტუმრება. რეზიდენციაში მიმდინარე შეხვედრა მედიისთვის დახურული იქნება. სამინისტროს საზოგადოებასთან ურთიერთობის სამსახურის ინფორმაციით, სახელმწიფო მინისტრი და სასულიერო პირები ევროინტეგრაციის პროცესში მართლმადიდებელი ეკლესიის როლსა და მნიშვნელობაზე იმსჯელებენ.



[თინათინ ზაზაძე, ახალციხე]