რა იგეგმება სამცხე-ჯავახეთის მუზეუმებში 21 მაისს

კულტურის სამინისტროს ინფორმაციით, 21 მაისს, ივანე ჯავახიშვილის სახელობის სამცხე-ჯავახეთის ისტორიის მუზეუმში დაგეგმილია:

21:00 საათზე – გამოფენის გახსნა;
21:00 – 01:00 საათამდე – ექსკურსიები საათში ერთხელ;
21:00 – 22:30 საათზე – ღონისძიება ვკითხულობთ და ვხატავთ ”ვეფხისტყაოსანს”.

ღონისძიებები დაიგეგმა ბორჯომის მხარეთმცოდნეობის მუზეუმშიც:
21:00 საათზე – ღონისძიების ოფიციალური გახსნა;
21:15 საათზე – „ვეფხისტყაოსნის“ საჯარო კითხვა – მოსწავლეთა მონაწილეობით;
22:30 საათზე – ბორჯომის ახალგაზრდა მოხალისეთა პრეზენტაცია თემებზე:
„სახელწოდება „ბორჯომის“ რაობისა და მისი გავრცელების ისტორია“;
„ავალიშვილები და სადგერის ხეობა“;
„როგორ წარმოგვიდგენია ბორჯომის მხარეთმცოდნეობის მუზეუმი“.
00:15 საათზე – მუზეუმის წინ საქართველოს რუკის დახატვა და მისი საზღვრების სანთლებით განათება, პატრიოტულ თემაზე ლექსებისა და სიმღერების შესრულება;
01:45 საათზე – ღონისძიების ოფიციალური დახურვა.

ღონისძიებები ეწყობა აქციის „ღამე მუზეუმში“ ფარგლებში. აქცია კი მუზეუმების საერთაშორისო დღეს უკავშირდება.

მუზეუმის საერთაშორისო დღე 1977 წლიდან, მუზეუმის საერთაშორისო საბჭოს ICOM–ის გადაწყვეტილებით დაარსდა. თარიღს 150 ქვეყნის მუზეუმი უერთდება, სადაც ღია კარის დღეები იმართება, ეწყობა სამეცნიერო კონფერენციები და სხვდასხვა ღონისძებები.

[თაკო ფეიქრიშვილი, ახალციხე]