ბორჯომის მხარეთმცოდნეობის მუზეუმი დროებით დაიხურა

ბორჯომში მუზეუმი 17 მარტამდე იქნება დაკეტილი. გადაწყვეტილება ამის შესახებ საქართველოს კულტურის სამინისტრომ და სსიპ საქართველოს კულტურული მემკვიდრეობის დაცვის ეროვნულმა სააგენტომ მიიღეს.

„ბორჯომის მხარეთმცოდნეობის მუზეუმი დაიკეტება ამა წლის 16 მარტის ჩათვლით , ხოლო 17 მარტიდან გელით ჩვენს უნიკალურ მუზეუმში“, – აცხადებენ მუზეუმის ადმინისტრაციაში.

კორონავირუსის პრევენციის მიზნით, დროებით დაიხურა ახალციხის ციხის ტერიტორიაზე მდებარე სამცხე-ჯავახეთის ისტორიის მუზეუმიც.

[თაკო ფეიქრიშვილი, ბორჯომი]