"მოდი ღამე მუზეუმში" – სამინისტროს ინიციატივა ახალციხეში

ღონისძიება, სახელწოდებით "მოდი ღამე მუზეუმში" ახალციხეში დღეს, 27 მაისს გაიმართება. საღამოს, 21:00 –დან 01:00 საათამდე რაბათის ისტორიულ კომპლექსში მდებარე, ივ. ჯავახიშვილის სახელობის სამცხე-ჯავახეთის ისტორიის მუზეუმში შესვლა უფასო იქნება.

ღონისძიებას ორგანიზაებს მუზეუმის ადმინისტრაცია და ახალციხის მერიის კულტურის სამსახური უწევენ.

პროგრამაშია:

21.00 - 01.00 - ექსკურსია საათში ერთხელ;
21.00 - 01.30 - ახალციხის სამხატვრო სკოლის მოსწავლეთა ნამუშევრების გამოფენა „ჩემი თვალით დანახული მუზეუმი";
21.00 - 22.30 - ხატვა თავისუფალ თემაზე ახალციხის სამხატვრო
სკოლისა და ზოგადსაგანმანათლებლო სკოლების მოსწავლეებისათვის;
22.00 - 23.30-შემოქმედებითი საღამო (ლექსები, სიმღერები, ჩანახატები);

ივ. ჯავახიშვილის სახელობის სამცხე-ჯავახეთის ისტორიის მუზეუმი, საქართველოს კულტურისა და ძეგლთა დაცვის სამინისტროს ინიციატივას შეუერთდა, რომლის ფარგლებშიც 27 მაისს საქართველოს თითქმის ყველა მუზეუში აქცია – „ღამე მუზეუმში“ მოეწყობა. აქციის ფარგლებში, დამთვალიერებელს სრულიად უფასოდ უმასპინძლებს.

[sknews.ge]