კურსდამთავრებულთა ცერემონიალი ახალციხის ჯავშანსატანკო სასწავლო ცენტრში

საქართველოს შეიარაღებულ ძალებს 5 სატანკო და 10 მექანიზირებული ოცეულის მეთაური შეემატა.

კურსდამთავრებულთა ცერემონიალი ახალციხის ჯავშანსატანკო სასწავლო ცენტრში გაიმართა. კურსდამთავრებულებს კურსის წარმატებით დასრულება განათლების სარდალმა, პოლკოვნიკმა მალხაზ მაკარაძემ მიულოცა. ღონისძიებაზე სიტყვით ასევე გამოვიდნენ სასწავლო ცენტრის მეთაური, პოლკოვნიკი ლერი გელხაური და კურსდამთავრებული, ლეიტენანტი ირაკლი მესხაძე.

ახალგაზრდა ოფიცრები სასწავლო ცენტრის კაპელანმა, დეკანოზმა იოანემ დალოცა.

ცერემონიალის დასრულების შემდეგ J1-ის უფროსმა, ვიცე-პოლკოვნიკმა გელა კილასონიამ, კურსდამთავრებულებს იმ ვაკანტური თანამდებობების შესახებ მიაწოდა ინფორმაცია, სადაც ისინი სამსახურს გააგრძელებენ.





[sknews.ge]