ახალციხეში 15 წლის გოგონას მანქანა დაეჯახა

შემთხვევა, დღეს, 8 ივნისს, დაახლოებით 19:00 საათზე, ქალაქის ცენტრალურ პარკთან მოხდა. 15 წლის გოგონა მეგობრებთან ერთად სახლში მიდიოდა. როგორც ფაქტის შემსწრე, ერთ–ერთი მათგანი ამბობს, „ნისანის“ მარკის ავოტმობილი მაღალი სიჩქართ მოძრაობდა.

„ჩემი მეგობარი გზაზე გადადიოდა, ისე დაარტყა, რომ ალბათ ასე ოთხ მეტრზე გაისროლა. მე დავრეკე 112–ზე და სასწრაფომ საავადმყოფოში გადაიყვანა“, – ამბობს დაშავებული გოგონას მეგობარი და ამატებს, – „როგორც ვიცი, გონება დაკარგული ჰქონდა, ახლა მითხრეს, რომ საავადმყოფოში გონზე მოსულა“.

გოგონას ჯანმრთელობის მდგომარეობის შესახებ“ სამხრეთის კარიბჭე“ საავამდყოფოდან პასუხს ელოდება.

მომხდარზე შინაგან საქმეთა სამინისტრომ ძიება სსკ–ის 276 მუხლის პირველი ნაწილთ დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.





[sknews.ge]