ტარიელ ლონდარიძე: „ოლქების გაერთიანება ამომრჩევლის უკმაყოფილებას იწვევს“

ლონდარიძემ საარჩევნო კანონმდებლობაში განხორციელებული ცვლილებების გამო შექმნილ პრობლემებზე დღეს, 28 აპრილს პარლამენტის პლენარულ სხდომაზე ისაუბრა. მისი თქმით, სამცხე-ჯავახეთის სამ რაიონს საკუთარი მაჟორიტარის არჩევის უფლება წაერთვა.

„ახალქალაქის 5 სოფლის მოსახლეობას ხმის მიცემა ასპინძისა და ბორჯომის მაჟორიტარობის კანდიდატისთვის უწევს, ეს კი მათ არ მოსწონთ. ხელისუფლება არჩევნებში წარმატების მიღწევას არსებული მაჟორიტარული სისტემის მეშვეობით აპირებს, ეს სისტემა ამომრჩევლის ნებასა და ინტერესებს არ ასახავს“, – განაცხადა ლონდარიძემ.

შეგახსენებთ, რომ სამცხე–ჯავახეთში მოსახლეობას ექვსის ნაცვლად სამი მაჯორიტარი დეპუტატის არჩევა მოუწევს. საარჩევნო ოლქები მუნიციპალიტეტების მიხედვით ასე გადანაწილდა: ახალციხე და ადიგენი ერთ საარჩევნო ოლქად გაერთიანდა; საერთო დეპუტატი ეყოლებათ ახალქალაქსა და ნინოწმინდასაც, თუმცა, ახალქალაქი ნინოწმინდას ხუთი სოფლის გარეშე მიუერთდა; ახალქალაქის ხუთი სოფელი ( აზავრეთი, კოჭიო, პტენა, ბარალეთი, და ჩუნჩხა) კი ასპინძასა და ბორჯომთან გააერთიანეს;

[sknews.ge]