ნინოწმინდის სასწრაფოს ახალი მანქანა გადასცეს

ამ დრომდე, ნინოწმინდის მუნიციპალიტეტის მასშტაბით სასწრაფო დახმარების სამსახური მოსახლეობას მხოლოდ ორი ავტომობილით ემსახურებოდა. ამათგან ერთი ძველია და ერთი ახალი.

სასწრაფო–სამედიცინო დახმარების ცენტრის ინფორმაციით, ავტომობილები რაიონულ სამსახურებს საჭიროების მიხედვით გადაუნაწილდა. მანქანები გადაეცა თელავის, გურჯაანის, მცხეთის, წალკის, თეთრიწყაროს, გარდაბნის, კოდის, კასპის, ქარელის, ნინოწმინდის, ცაგერის, ონის,ხარაგაულის, ზესტაფონის, ტყიბულის, ამბროლაურის, ლანჩხუთის, ოზურგეთის, ქობულეთისა და მარტვილის მუნიციპალიტეტებს.

სპეც-მანქანები რეგიონული სასწრაფოსთვის ჯანდაცვის სამინისტრომ გასული წლის ადმინისტრაციული ხარჯების შემცირების შედეგად შეიძინა. ავტომობილებისა და ტექნიკური აღჭურვილობისათვის, უწყებამ 1 მილიონ 700 ათასი ლარი გამოყო.

"ჩვენ ეს შევძელით შარშან დაზოგილი ადმინისტრაციული ხარჯებით და შესყიდვებში დაზოგილი ხარჯებით. მანქანები დღესვე შეუდგებიან თავისი მოვალეობის შესრულებას და ვფიქრობ, რომ ეს ძლიერი მხარდაჭერა იქნება კიდევ უფრო განვითარებისათვის“, – განმარტავს ჯანდაცვის მინისტრი დავით სერგეენკო.

[თაკო ფეიქრიშვილი, ნინოწმინდა]