ბორჯომსა და აბასთუმანს ახალი სახანძრო მანქანები გადაეცა

ახალი სახანძრო მანქანები რეგიონების სახანძრო–სამაშველო სამსახურების წარმომადგენლებს დღეს, 10 ოქტომბერს საგანგებო სიტუაციების მართვის
სამსახურის უფროსის მოვალეობის შემსრულებელმა შალვა ხუციშვილმა გადასცა.

ტყის ახალი სახანძრო მანქანები გადაეცა: აბასთუმანს, ბორჯომს, ახმეტას, თელავს, თეთრიწყაროს, დუშეთს, კასპს, ხარაგაულს, ლენტეხს, ონს, მესტიას, ჩოხატაურსა და ხულოს.

ახალი სახანძრო მანქანები საგანგებო სიტუაციების მართვის სამსახურმა ტენდერით მიმდინარე წლის ზაფხულში შეიძინა. მისი საერთო ღირებულება 10 მილიონი ლარია.

როგორც, საგანგებოს სიტუაციების მართვის სამსახურში განმარტავენ, ახალი სახანძრო მანქანის უპირატესობა რთულ რელიეფურ პირობებში გადაადგილებაა, რაც მნიშვნელოვნად ამცირებს ტყის ხანძრების რისკს.

როგორც უწყებაში განმარტავენ, უახლოს მომავალში საქართველოში დამატებით შვიდი ახალი ტყის სახანძრო მანქანა შემოვა. მათ ადიგენს, ბაკურიანს, დმანისს, თიანეთს, ხაშურს, ქედასა და შუახევს გადასცემენ.

[sknews.ge]