ჯანდაცვის სამინისტრო ახალციხის სასწრაფოს ახალ მანქანას გადასცემს

ჯანდაცვის სამინისტრო ახალ მანქანებს სასწრაფო სამედიცინო დახმარების რაიონულ ცენტრებში პროპორციული წესით გადაანაწილებს.
ჯანდაცვის სამინისტრო სამედიცინო წესით აღჭურვილ, “FORD”-ის მარკის ავტომობილს პირველ ეტაპზე, ახალციხისა და ოზურგეთის განყოფილებებს გადასცემს.

თელავის, მცხეთისა და ქობულეთის განყოფილებებს 2, გორი/ტყვიავის, ზუგდიდის, რუსთავისა და ქუთაისის განყოფილებებს კი 4 ახალი სასწრაფო სამედიცინო დახმარების ავტომობილი გადაეცემა.

სასწრაფო სამედიცინო დახმარების ცენტრის ავტოპარკის განახლების პროცესი დღეიდან დაიწყება.ავტომობილები რეგიონებში ეტაპობრივად, გეოგრაფიული ფაქტორის გათვალისწინებით განაწილდება.

სასწრაფო სამედიცინო დახმარების ავტოპარკი სრულად 2015 წლის დასაწყისისთვის“FORD”-ის საშუალო გამავლობის 80 და “VOLKSWAGEN”-ის მარკის მაღალი გამავლობის 100 ავტომობილით განახლდება.

[Sknews.ge]