სამცხე–ჯავახეთის 57 სოფელი მაღალმთიანი დასახლების სტატუსს ითხოვს

მთის განვითარების ეროვნულ საბჭოში შუამდგომლობების წარდგენის ვადა 1 აპრილს დასრულდა. ადიგენის მუნიციპალიტეტის გამგეობა მაღალმთიანის სტატუსის მინიჭებას 24 სოფელზე ითხოვს, ასპინძა 2 –ზე, ახალციხე 16– ზე, ხოლო ბორჯომი 15 –ზე. (შეგახსენებთ, ჯავახეთში მთის კანონი ყველა დასახლებულ პუნქტს ეხება).

როდის შეიკრიბება საბჭო განცხადებების განსახილველად უცნობია. ამ ეტაპზე წარდგენილი შუამდგომლობების გადამოწმება და მონაცემების დაზუსტება მიმდინარეობს. საბჭოში, ქვეყნის მასშტაბით, 400–ზე მეტი განცხადებაა შესული.

შეგახსენებთ, რომ მაღალმთიანი დასახლების სტატუსი სამცხე–ჯავახეთის 222 დასახლებას აქვს. ჯავახეთს სრულად და მესხეთს ნაწილობრივ.

[თინათინ ზაზაძე, ახალციხე]