ადიგენის 6 სოფელი 'მთის სტატუსის' მოთხოვნით აქციას მართავს

ადიგენში, გამგეობის შენობასთან, სოფლების: ლელოვანი, კახარეთი, იმერთუბანი, იჯარეთი, ღორძე და სამყურის მცხოვრებლები იკრიბებიან. ისინი მათი სოფლებისთვის მაღალმთანი დასახლების სტატუსს ითხოვენ.

შეგახსენებთ, რომ სამცხე–ჯავახეთში 'მთის კანონი' ჯამში 222 დასახლებას ეხება. ადიგენის, ახალციხის, ბორჯომის და ასპინძის მუნიციპალიტეტებში მაღალმთიანი დასახლების სტატუსის გარეშე 40 სოფელია დარჩენილი. აქედან, ყველაზე მეტი სოფელი ადიგენშია.

სოფლების ჩამონათვალი, რომლის მოსახლეობა შეღავათებით ვერ სარგებლობს:

ადიგენი: შოლავერი, უნწა, ბოლაჯური, ქვემო ენთელი, პატარა სმადა, იჯარეთი, საირმე, იმერთუბანი, საღრძე, ლელოვანი, სამყური, კახარეთი, ღორძე და ზარზმა;

ახალციხე: აწყური, აგარა, გურკელი, ზიკილია, საყუნეთი, მუგარეთი, წნისი, წყრუთი, ზემო სხვილისი, ივლიტა, მინაძე, ღრელი და ჭაჭარაქი;

ბორჯომი: ტიმოთესუბანი, ყვიბისი, ვარდგინეთი, ზანავი, რველი, ტაძრისი, საკირე, ქვაბისხევი, ჩითახევი, ჭობისხევი და ახალდაბა;

ასპინძა: ხერთვისი და რუსთავი;

ჯავახეთში, ნინოწმინდასა და ახალქალაქში, სტატუსი ყველა სოფელს აქვს.

[sknews.ge]