ახალციხის სამ სოფელში სკვერი მოეწყობა

სამივე სოფელში სკვერების მოსაწყობად საპროექტო სამუშაოები უკვე დაწყებულია. სამუშაოებს ტენდერში გამარჯვებული შპს „გიორგი ბაგინაშვილი“ შეასრულებს.

როგორც სატენდერო დოკუმენტაციაშია მითითებული, სკვერების მოწყობა აღნიშნულ სოფლებში იმიტომ გადაწყდა, რომ ცენტრალური ადგილებია და აქ შედარებით მეტი ტურისტი ხვდება.

აგარაში სკვერი ადმინისტრაციული შენობის წინ და სოფლის ცენტრში, წყაროსთან მოეწყობა. სოფელ სხვილისში კი სკვერის კეთილმოწყობა შარშან დაიწყო და წელს დასრულდება. დაიდგმება სკამები, ნაგვის ურნები და დამონტაჟდება გარე განათება. სოფელ ღრელში კი ინფრასტრუქტურის მოწესრიგება ცენტრალურ გზაზე იგეგმება.

რამდენი ლარი დაიხარჯება სკვერების მოსაწყობად მუნიციპალიტეტის გამგეობაში ჯერ არ იციან. ცნობილია, რომ სხვილისში სკვერის რეაბილიტაცია „სოფლის მხარდაჭერის პროგრამის“ ფარგლებში გამოყოფილი თანხით მოხდება, აგარაში და ღრელში კი ადგილობრივი ბიუჯეტიდან დაფინანსდება.

[თინათინ ზაზაძე, ახალციხე]