ვარხანში ადმინისტრაციული შენობის მიმდებარე ტერიტორიაზე მოსახლეობისთვის სკვერი მოეწყობა ®

პროექტის ფარგლებში, მოხდება ეზოს შემოღობვა და შესასვლელი ჭიშკარის მოწყობა.

თანამედროვე სტანდარტების შესაბამისად გაკეთდება, მოსასვენებელი და საბავშვო სივრცეები, სადაც მოეწყობა გასართობი ატრაქციონი სასრიალოებით და საქანელებით, დაიდგმება სკამები და ურნები, დამონტაჟდება თბილი ნათების დიოდური ლამპიონები. სკვერში ასევე ჩატარდება გამწვანების სამუშაოები.

მიმდინარე სამუშაო პროცესს ადიგენის მუნიციპალიტეტის მერი ზაქარია ენდელაძე საკრებულოს თავმჯდომარე იმედა მღებრიშვილთან ერთად ადგილზე გაეცნო.