ახალციხეში ‘ხუთსართულიანების’ დასახლებაში სკვერი მოეწყობა

ახალციხის მერიის ბიუჯეტიდან დაფინანსებული სკვერი, კოსტავას ქუჩის N165–სა და N179–ს კორპუსებს შორის მოეწყობა. ამ ადგილზე, ამჟამად გამწვანების ზოლია.

მშენებელი კომპანიის შესარჩევად, ახალციხის მერიამ ტენდერი 13 აგვისტოს გამოაცხადა. ტენდერში მონაწილეობისთვის, წინადადებების მიღება 26 აგვისტოს დაიწყება.

საპროექტო დოკუმენტების მიხედვით, სკვერისთვის განსაზღვრული ადგილი ლითონის დეკორატიული ღობით შემოისაზღვრება, სავალ ნაწილზე მოეწყობა არმირებული ბეტონის ფენილი, დაიდგმება დასასვენებელი სკამები და ახალი ნაგვის ურნები, ასევე დამონტაჟდება ახალი ლამპიონები. სკვერში განთავსდება სავარჯიშო ტრენაჟორებიც.

[თაკო ფეიქრიშვილი, ახალციხე]