ასპინძაში ნაგავმზიდმა მამაკაცის სიცოცხლე იმსხვერპლა

ასპინძის კეთილმოწყობის სამსახურის თანამშრომლის 55 წლის შ. მექოშვილის გადარჩენა ექიმებმა ვერ შეძლეს. იგი თბილისის ერთ–ერთ კლინიკაში დღეს, 21 აპრილს გარდაიცვალა.

უბედური შემთხვევა, 17 აპრილს მოხდა.

როგორც ასპინძის კეთილმოწყობის სამსახურის უფროსი ნუგზარ ელიზბარაშვილი ამბობს მექოშვილი ნაგავმზიდმა ჩაითრია: „დაარღვია უსაფრთხოების წესები. სადაც არ შეიძლებოდა, ნაგავმზიდის მანქანაზე, იქ ავიდა, ცალი ფეხით შემთხვევით ნაგვის გადამამუშავებელი ჩართო და ჩაითრია“.

მისი თქმით, დაშავებული სასწრაფო სამედიცინო დახმარების ბრიგადამ მაშინვე თბილისში გადაიყვანა, თუმცა, მისი გადარჩენა ვერ მოხერხდა: „დღეს გარდაიცვალა“.

ასპინძის კეთილმოწყობის სამსახურის უფროსი ნუგზარ ელიზბარაშვილი ამბობს, რომ გარდაცვლილის ოჯახს კეთილმოწყობის სამსახური ფულად დახმარებას გაუწევს: „ზუსტად როდის არ ვიცი“.

მომხდარს შინაგან საქმეთა სამინისტრო სისხლის სამართლის კოდექსის 170–ე მუხლის პირველი ნაწილით იძიებს. რაც შრომის დაცვის წესების დარღვევას გულისხმობს.

[ვარლამ წიკლაური, ასპინძა]