ბორჯომში მეთორმეტე კლასელი თვითმკვლელობის მცდელობის შემდეგ საავადმყოფოში გარდაიცვალა

თვითმკვლელობა ბორჯომის საჯარო სკოლის მოსწავლემ გუშინ, 10 იანვარს ღამით სცადა. როგორც შინაგან საქმეთა სამინისტროში "სამხრეთის კარიბჭეს" განუცხადეს, მკვლელობამდე მან მეგობარს დაურეკა და უთხრა, რომ თავის მოკვლას აპირებდა. მეგობარმა მასთან დარეკვა სცადა, თუმცა მობილური, რომელზეც რეკავდა სახლში იყო და არავინ პასუხობდა.

"ეს მეგობარი თვითმკვლელობის ფაქტს შეესწრო. მან 112–ზე დარეკა და სასწრაფო გამოიძახა, ექიმებმა თბილისში არამიანცის კლინიკაში გადაიყვანეს, თუმცა, მისი გადარჩენა ვერ მოხერხდა", – გვიხსნიან შსს–ში.

მეთორმეტე კლასის მოსწავლე, რამდენიმე საათის წინ საავადმყოფოში გარდაიცვალა.

შსს მომხდარს 115–ე მუხლით იძიებს, რაც თვითმკვლელობამდე მიყვანას გულისხმობს; თვითმკვლელობის მოტივი უცნობია. გარდაცვლილის მეგობრებს, მომხდარის შესახებ კომენტარის გაკეთება არ სურთ. პირად საუბრებში კი აცხადებენ, რომ რა შეიძლება გამხდარიყო თვითმკვლელობის მოტივი, არ იციან.

[თამუნა უჩიძე, ახალციხე]