NDI: უმცირესობათა დასახლებაში 12% პროდასავლურ კურსს ემხრობა, 20% პრორუსულს

კითხვაზე, როგორი უნდა იყოს საქართველოს საგარეო პოლიტიკა, 52% პასუხობს, რომ პროდასავლური, თუმცა ასევე ფიქრობს, რომ ქვეყანას უნდა ჰქონდეს კარგი ურთიერთობა რუსეთთანაც.

გამოკითხულთა 14% მიიჩნევს, რომ საგარეო პოლიტიკა მხოლოდ პროდასავლური უნდა იყოს, 16% კი აცხადებს, რომ კურსი პრორუსული უნდა იყოს, თუმცა კარგი ურთიერთობა უნდა შენარჩუნდეს ევროკავშირთან და ნატოსთანაც.

გამოკითხულთა 5%–ის აზრით საქართველოს საგარეო პოლიტიკა უნდა იყოს პრორუსული. 11 % კი პასუხობს რომ არ იცის; 1 %-მა უარი თქვა კითხვაზე პასუხი გაეცა.



საინტერესოა უმცირესობათა პასუხები, უმცირესობათა დასახლებებში პროდასავლურ მიმართულებას გამოკითხულთა 12% უჭერს მხარს, პრორუსულს კი 20%. 27% მიიჩნევს, რომ მიმართულება უნდა იყოს პროდასავლური, თუმცა, ქვეყანას უნდა ჰქონდეს კარგი ურთიერთობა რუსეთთან, 25% კი ფიქფიქრობს, რომ კურსი პრორუსული უნდა იყოს, თუმცა კარგი ურთიერთობა უნდა შენარჩუნდეს ევროკავშირთან და ნატოსთან. უმცირესობათა დასახლებებში ამ კითხვაზე პასუხი არ აქვს 15%–ს.

საზოგადოების განწყობის შესახებ NDI-ს კვლევა დღეს, 11 აპრილს გამოქვეყნდა. კვლევა 23 თებერვლიდან 14 მარტის პერიოდში ტარდებოდა. წარმომადგენლობითი შერჩევით ქვეყნის მასშტაბით 3900 ინტერვიუერი გამოიკითხა. საშუალო ცდომილების ზღვარი +/- 1,6%–ია.
კვლევა შვედეთის საერთაშორისო განვითარების და თანამშრომლობის სააგენტოს (შიდა) მიერაა დაფინანსებული.



[sknews.ge]