უნივერსიტეტის თანამშრომლები ხელფასს ვერ ღებულობენ

სამცხე-ჯავახეთის სახლემწიფო სასწავლო უნივერსიტეტის 100-ზე მეტი თანამშრომელი უხელფასოდაა. გასული თვის ხელფასი მათ ამ დრომდე არ მიუღიათ.

’ბევრ თანამშრომელს კრედიტი აქვს გადასახდელი, ძაილან ცუდ დღეში ვართ ყველა, - ამბობს სამცხე-ჯავახეთის სახლემწიფო სასწავლო უნივერსიტეტის უმცროსი სპეციალისტი მადონა ბლუაშვილი, - კომუნალურ გადასახადებს ვერ ვიხდი, 15-ში გაზს გამითიშავენ, 18-19-კი ელექტროენერგიის დავალიანების დაფარვის ბოლო ვადა. გამითიშავენ შუქსაც და გაზსაც’.

ბლუშავილის თქმით, სასწავლებლის ადმინისტრაცია ხელფასების დაგვიანებას უნივერსიტეტის რეორგანიზაციით ხსნის: ’რადგან ახალქალაქის სასწავლებელიც შემოგვიერთეს, ყველაფერს ამას აბრალებენ. მერე თქვეს რეორგანიზაციის გამო ჯერ სასწავლებელს ბეჭედი არ აქვსო’.

სამცხე-ჯავახეთის სახლემწიფო სასწავლო უნივერსიტეტმა, რომელიც ახალციხის სახელმწიფო სასწავლო უნივერსიტეტისა და ახალქალაქის უმაღლესი საგანმანათლებლო დაწესებულება კოლეჯის შეერთების შედეგად ჩამოყალიბდა, საჯარო რეესტრში რეგისტრაცია 27 ნოემბერს გაიარა.

’წესდების საფუძველზე, ჩვენ უკვე დავიწყეთ სამცხე-ჯავახეთის უნივერსიტეტის ბიუჯეტის დამუშავება და გავგზავნეთ თბილისში. ხელმძღვანელობას რაც გვევალებოდა, ყველაფერი თავის დროზე გავაკეთეთ’, - ამბობს სამცხე-ჯავახეთის სახელმწიფო სასწავლო უნივერსიტეტის ადმინისტრაციული სამსახურის უფროსი ბიძინა მაისურაძე.

მისი თქმით, იმისთვის, რომ ახალი ბიუჯეტი დამკტკიცდეს, რეგენტთა საბჭოს სხდომა უნდა გაიმართოს: ’როდესაც ახალი ბიუჯეტი დამტკიცდება, ჩვეულებრივ რიტმში ჩადგება უნივერსიტეტის ცხოვრება. როდის ჩატარდება ეს სხდომა არ ვიცი. შესაძლოა ბიუჯეტი დღესაც დაამტკიცონ’.

[თამუნა უჩიძე, ახალციხე]