უნივერსიტეტში სწავლა დაიწყო

მთავარი → საზოგადოება » განათლება 18.02.2013

სამცხე-ჯავახეთის სახელმწიფო სასწავლო უნივერსიტეტში სასწავლო პროცესი განახლდა.

სასწავლო პროცესი დღეს, 18 თებერვალს, ახალციხის კორპუსებშიც აღდგა და ახალქალაქშიც. შეგახენებთ, რომ ყოფილი ახალციხისა და ახალქალაქის უმაღლესი დაწესებულებები 3 ოქტომბრიდან სამცხე-ჯაავხეთის სახლემწიფო-სასწავლო უნივერსიტეტად გაერთიანდა.

’უნივერსიტეტის ფაკულტეტები საერთოა, როგორ ახალციხეში, ასევე ახალქალაქში. ეს არის ერთი უნივერსიტეტი ორი მისამართით. ასეთი რამ სხვა სასწავლებლებშიც ხდება და უცხო ნამდვილად არ არის’, - ამბობს სამცხე-ჯავახეთის სახელმწიფო სასწავლო უნივერსიტეტის რექტორის მოადგილე ნიკოლოზ ახალკაცი.

მისივე თქმით, ’ახალქალაქში ცოტა გვიან იწყებოდა ხოლმე სწავლა მკაცრი კლიმატური პირობების გამო. ახლა ის უკვე ამ უნივერსიტეტის ნაწილია და შესაბამისად ერთდროულად აღდგა პროცესი’

დღეიდან უნივერსიტეტში წინა სემესტრის დამატებითი საგამოცდო სესიებიც დაიწყო. დარჩენილ საგნებში გამოცდების ჩაბარების საშუალება სტუდენტებს ამ კვირის ბოომდე აქვთ.

ბოლო პერიოდში უნივერსიტეტში მუშაობა ელექტროენერგიის არქონის გამო პარალიზებული იყო. დეტალებს ”სამხრეთის კარიბჭე” არკვევს, ამბავს მოგვაინებით შეიტყობთ.

[ნინო ზედგინიძე, ახალციხე]