ასპინძა – ახალქალაქის გზაზე ავარიას ერთი ადამიანის სიცოცხლე ემსხვერპლა

მდინარეში გადავარდნილი მანქანა. ფოტო მოგვაწოდა მოქალაქემ. ბოდიშს გიხდით მისი ხარისხის გამო

შემთხვევა დღეს, 31 მარტს, საღამოს, 18:00 საათზე მოხდა. ადგილზე ამ დრომდე მუშაობენ სასწრაფო, საპატრულო და სამაშველო სამსახურები. მდინარეში გადავარდნილი მიკროავტობუსის ამოყვანას მძიმე ტექნიკა ცდილობს.

შინაგან საქმეთა სამინისტროს ინფორმაციით, საქმეზე ძიება, სსკ–ს 276–ე მუხლის მე–5 ნაწილით დაიწყო, რაც საგზაო მოძრაობის უსაფრთხოების წესის დარღვევას გულისხმობს, რამაც ერთი ან მეტი პირის სიცოცხლე იმსხვერპლა.

გარდაცვლილის გარდა იმყოფებოდნენ თუ არა ტრანსპორტში სხვა პირები და არიან თუ არა დაშავებულები, დამატებით დეტალებს „სამხრეთის კარიბჭე“ არკვევს.

[ლუბა გიორგაძე, ასპინძა]