ასპინძაში 'ჯი ეი კაპიტალის' შესასვლელი გაიხსნა

„ჯი ეი კაპიტალის“ წინ მდებარე მიწის მესაკუთრემ და ამავე ორგანიზაციის მსესხებელმა, გელა ლონდარიძემ ჩაკეტილი შესასვლელის გახსნა ასპინძის პოლიციაში გასაუბრების შემდეგ გადაწყვიტა.

„გადაწყვეტილება მე მივიღე, რომ ბანკის მუშაობისთვის ხელი არ შემეშალა. ჯერ არ ვიცი ამ ადგილზე რას გავაკეთებ, მე არც სასამართლოში დავას ვაპირებ. თუ იჩივლებენ, გაირკვევა ვინაა მართალი“, – ამბობს ლონდარიძე.

შეგახსენებთ, რომ გელა ლონდარიძემ „ჯი ეი კაპიტალის შესასვლელი“ 28 მარტს, დილით ჩაკეტა. იგი გარდა იმისა, რომ აღნიშნული მიწის მესაკუთრეა, ამავე ორგანიზაციის მსესხებელიცაა. ხელშეკრულების პირობების დარღვევისა და სესხის გადაუხდელობის გამო, იძულებით აღსრულების წესით ორგანიზაციამ მისგან დაახლოებით 9 000 ლარი უნდა ამოიღოს. ლონდარიძეს „ჯი ეი კაპიტალმა“ სასამართლო დავა გასული წლის მარტში მოუგო.

[თამუნა უჩიძე, ასპინძა]