სამცხე-ჯავახეთს 1265 ნერგი გადაეცა

ეროვნული საშენი მეურნეობიდან სამცხე-ჯავახეთს 490 – არყის, 645- ფიჭვის და 130 ნაძვის ხის ნერგი ერგო; მცხეთა-მთიანეთისთვის 770 - არყის, 253 - ფიჭვის და 120 - ნაძვის სახეობის ნერგი გამოიყოფა; რაჭა-ლეჩხუმს 490 - არყის, 645 ფიჭვისა და 130 ნაძვის სახეობის ნერგები გადაეცა; სამეგრელო-ზემო სვანეთის რეგიონისთვის კი 120 – 120 არყისა და ფიჭვის, ასევე 40 - ნაძვის ნერგი გამოიყო;

ჯამში, საქართველოს 4 რეგიონს 4000 -მდე, ხოლო საქართველოს საპატრიარქოს 1500 ნერგი გადაეცა.

გარემოს დაცვის სამინისტროში აცხადებენ, რომ აღნიშნული სახეობები ჩრდილოური წარმოშობისაა, ხასიათდება ყინვაგამძლეობით. შესაბამისად, რეკომენდებულია საქართველოს მაღალი კლიმატური პირობების მქონე რეგიონებისათვის.

გარემოსა და ბუნებრივი რესუსების დაცვის მინისტრი გიგლა აგულაშვილი ეროვნულ საშენ მეურნეობას დღეს მცხეთა-მთიანეთის, რაჭა-ლეჩხუმის, სამეგრელო-ზემო სვანეთის, სამცხე-ჯავახეთის გუბერნატორებთან ერთად სტუმრობდა.e]

[sknews.ge]