ბორჯომის პლატოზე 1000 ნერგი დარგეს

ბორჯომში, ტყის საფარის აღდგენისთვის, გარემოსა და ბუნებრივი რესურსების დაცვის სამინისტროს ინიციატივას, კომპანია „IDS ბორჯომი საქართველო“ შეუერთდა. დედამიწის საერთაშორისო დღესთან დაკავშირებით, კვირეულს „სუფთად ევროპისკენ“ ფარგლებში, კომპანიამ პლატოს ტერიტორიაზე ნერგები დაირგო.

მწვანე საფარის აღდგენისთვის, გარემოსდაცვით აქციაში მონაწილეობა ყველა მსურველს, ფიზიკურ და იურიდიულ პირს შეუძლია.

#ბუნებისგულშემატკივარი პროექტის მიზანია ბორჯომში პლატოს ტერიტორიაზე ტყის საფარის აღდგენა და აქციაში საზოგადოების აქტიური ჩართვა. აქციამ სოციალურ ქსელშიც გადმოინაცვლა და ფეისბუქის მომხმარებლებს საშუალება მიეცათ ვირტუალურად გამოხატონ საკუთარი დამოკიდებულება ბუნების მიმართ.

კამპანიის ფარგლებში #ბუნებისგულშემატკივარი შეიქმნა აპლიკაცია, რომლის მეშვეობითაც შესაძლებელი იქნება პროფაილის ფოტოს შეცვლა და ამით ბუნების დაცვისა და მწვანე საფარის არსებობის აუცილებლობისათვის მხარდაჭერის გამოხატვა.



[sknews.ge]