ახალციხეში შესაძლებელი გახდება კიბოს ადრეულ სტადიაზე დიაგნოსტირება

დემოკრატ ქალთა საზოგადოებას ახალი აპარატურა "გრანსრუტებისა და ადამიანთა უსაფრთხოების პროგრამის“ ფარგლებში, იაპონიის საელჩომ გადასცა. საელჩოსა და ორგანიზაციას შორის ხელშეკრულებას ხელი 10 მარტს, საქართველოში იაპონიის საელჩოში, საზეიმო ვითარებაში მოეწერა.
დოკუმენტს ხელი იაპონიის ელჩმა და სამცხე-ჯავახეთის დემოკრატ ქალთა საზოგადოების თავმჯდომარემ მარინა მოდებაძემ მოაწერეს. შ

შეხვედრას ესწრებოდნენ საქართველოში ამერიკის ელჩის მოადგილე, შვედური ფონდის „kvinna till kvinaa“ სამხრეთ კავკასიის წარმომადგენელი, ეროვნული სკრინინგ ცენტრისა და გაეროს განვითარების ფონდის წარმომადგენლები, ახალციხის მუნიციპალიტეტის გამგებლის მოადგილე გურამ მელიქიძე და მედია.

მარინა მოდებაძის განმარტებით, აპარატურა, რომელსაც უმოკლეს დროში შეიძენენ, დემოკრატ ქალთა საზოგადოების კლინიკაში დამონტაჟდება.

„აღნიშნული აპარატურის შეძენა სამცხე–ჯავახეთის რეგიონის მოსახლეობისთვის არის მნიშვნელოვანი ადრეულს სტადიაზე დაავადების პრევენციისათვის. ამ აპარატურით უზრუნველყოფილი იქნება მაღალკვალიფიციური კვლევა და სრულყოფილი დიაგნოსტიკა ადგილზე“, – განმარტავს მარინა მოდებაძე.

[sknews.ge]