ახალციხეში მარტოხელა დედების სტატუსზე იმსჯელეს

საკანონმდებლო ცვლილებების საჯარო განხილვა ახალციხის „დემოკრატიული ჩართულობის ცენტრში“ გაიმართა. შეხვედრა „ძალადობისგან დაცვის ეროვნული ქსელის“ ეგიდით მოეწყო. აღნიშნულ ქსელში გაერთიანებულია ადგილობრივი არასამთავრობო ორგანიზაცია „სამცხე-ჯავახეთის დემოკრატ-ქალთა საზოგადოება“.

საკანონმდებლო ცვლილებების განხილვაში არასამთავრობო სექტორის წარმომადგენლები, სტუდენტები და მოქალაქეები მონაწილეობდნენ.

„ცვლილებები ეხება მარტოხელა დედების სტატუსის მინიჭიებას და შემდგომში ამ სტატუსის მქონე ადამიანებისთვის იმ შეღავათებს, რაც შესაძლებელია მათ მიიღონ სოციალური უზრუნველყოფის, შრომის კიდექსის და სამოქალაქო კოდექსის შესაბამისად“, - ამბობს არასამთავრობო ორგანიზაცია „სამცხე-ჯავახეთის დემოკრატ-ქალთა საზოგადოების“ თავმდჯომარე და „ძალადობისგან დაცვის ეროვნული ქსელის“ რეგიონული კოოერდინატორი მარინა მოდებაძე.

აღნიშნული საკანონმდებლო ცვლილებების განხილვა საქართველოს ყველა რეგიონში მიმდინარეობს. „ძალადობისგან დაცვის ეროვნული ქსელის“ რეგიონულ კოორდინატორებმა პეტიცია მოამზადეს, რომელსაც მუნიციპალიტეტების მაჟორიტარ დეპუტატებს გააცნობენ. შემდეგ კი ცვლილებები საქართველოს პარლამენტს დასამტკიცებლად წარედგინება.

„შემდეგ ეს ხელმოწერები შეიკრიბება და პარლამენტის შესაბამის კომიტეტს გადაეცემა შემდგომი საპარლამენტო განხილვისთვის, ჩვენ ვამზადებთ პეტიციას ჩვენი მუნიციპალიტეტის მაჟორიტარი დეპუტატის ვაჟა ჩიტაშვილის სახელზე, რომ მხარი დაუჭიროს კანონპროექტს კანონად ქცევაში“, - ამბობს მარინა მოდებაძე.

[თამარ თოთაძე, ახალციხე]