ხმაური ახალციხის საკრებულოში

ამის შესახებ მან ”სამხრეთის კარიბჭეს” სატელეფონო საუბარში თავისივე ინიციატივით აცნობა.

”მაქვს ინფორმაცია, რომ ამ წუთებში ოლეგ სანდროშვილთან შესულია 20-კაციანი ჯგუფი და აიძულებენ, რომ დანიშნოს ბესიკ ხითარიშვილი. ისიც ვიცი, რომ ოლეგ სანდროშვილი ითვალისწინებს ახალციხელების აზრს, და ამიტომ არ უნდა ხითარიშვილის დანიშვნა”, - განაცხადა ლაშა ამირეჯიბმა.

ამირეჯიბი თავად ახალციხეში არ იმყოფება. კითხვაზე, საიდან აქვს მას მსგავსი ინფორმაცია, ამირეჯიბი აცხადებს, რომ ყოველწუთში აქვს სატელეფონო კავშირი ქალაქთან, როგორც ხალხთან, ასევე შიგნით, საკრებულოსთანაც.

ბესიკ ხითარიშვილი ამირეჯიბის მტკიცებას უსაფუძვლოს უწოდებს და აცხადებს, რომ მის წინააღმდეგ, ბრალდებებისთვის, სასამართლოში საჩივარს შეიტანს.

ახალციხის მუნციპალიტეტის საკრებულოს სხდომა, რომელზეც გამგებელს აირჩევენ, დღეს 15:00 საათზეა დაგეგმილი. ამ წუთებში საკრებულოში იმყოფება ”სამხრეთის კარიბჭეს” ჟურნალისტი. საკრებულოში სხდომა ჯერ არ დაწყებულა. ოლეგ სანდროშვილის კაბინეტში ამ წუთებში ნამდვილად იმყოფებიან მოქალაქეები, თუმცა, შეხვედრა დახურულია, ამდენად ვინ იმყოფებიან კაბინეტში ჩვენთვის უცნობია.

[ნინო ნარიმანიშვილი, ახალციხე]